Ég hef mikið hugsað um aðkomu allra að Baugsmálinu, Jón Ásgeir og Hreinn ekkert annað en aðilar að því, Jónína og Jón Gerald líka. Svo ef að Baugsfólkið eru þessir karakterar sem Jónína og Jón Gerald segja okkur þá voru það þau sem voru í slagtogi með þeim, einhverntímann var þetta fólk nógu gott til þess að umgangast. Eitt sem hefur alltaf staðið í mér þegar Jón Gerald er að mála upp einhverjar svallveislur í Flórída, hver var þá "to but it bluntly" mellukóngurinn ef ekki Jón Gerald sjálfur, var það ekki hann sem hélt þessum bátum út hvers sem átti þá og borgaði brúsann. Og hvað var hlutverk Jónínu ef að þau eru að gera þetta fólk að ófreskjum í okkar huga, var hún ekki annsi nálægt þessum ófreskjum.

Eitt held ég að ég hafi lært síðustu misseri, við erum íslensk og engum öðrum lík. Baugsmálið hefði hvergi gerst nema á Íslandi og við öll þátttakendur. Ég get ekki losnað við hugsunina að við séjum að brenna einn úr okkar eigin þorpi, komi engum við út í heimi hvað við erum að gera. Jón Ásgeir er okkar maður og við munum brenna hann í fullu bróðerni, jafnvel gefa honum að borða áður. Svo munum við hugsa vel um börnin hans, alla veganna ef þau haga sér og eru ekki með stæla.

Eins með kvótann, þetta er okkar mál og kemur engum helvítis útlendingum við. Við erum jú að brjóta mannréttindi á okkar eigin fólki, sumir jafnvel frændur okkar og frænkur, helvítis útlendurinn getur bara étið skít. Og þarf ég að minnast á Kjarval, þessi Ingimundur hálfur kani. Hvað heldur hann að hann sé, enda síndum við honum hvernig hlutirnir virka á Íslandi, íslenskt lög eru firir Íslendinga en ekki kanapakk sem vill upp á dekk á Íslandi.

Svo áfram Baugsmál, einn daginn getum við svo haldið upp á Baugsdaginn til minningar um þegar okkar Jón Ásgeir var krossfestur á Lækjartorgi. Hélt Jón Ásgeir kannski að hann gæti farið út í heim og gleimt hvaðan hann kom, við síndum honum.

Matvælaverð er að rjúka upp þessar vikurnar. Ástæðan er einkum tvær. Gengihrun krónunnar og mikil hækkun á matvælaverði á heimsmarkaði. Ég kaupi stundum grillaðan kjúkling í Nóatúni. Síðast þegar ég keypti hann hafði hann hækkað úr rúmlega 1000 krónum upp í tæplega 1300 krónur. Það eru nærri 30% á einu bretti.