Í gögnum málsins kom fram að fasteignir verslunarkeðjunnar 10-11 voru aðskildar frá verslunarrekstri félagsins eftir að Jón Ásgeir keypti það í gegnum Fjárfar ehf. og þurfti Vöruveltan ehf. (eigandi 10-11) skyndilega að greiða himinháa húsaleigu fyrir afnot af eigin fasteignum sem rann til félags að nafni "Litla Fasteignafélagið".

Eigendur Litla fasteignafélagsins högnuðust því um tugi milljóna vegna húsaleigugreiðslna.

Jafnframt kom fram fyrir dómi að fasteignir 10-11 voru svo seldar frá Litla Fasteignafélaginu ehf. með um 157 milljón króna álagningu til almenningshlutafélagsins Baugs hf.

M.ö.o. þeir aðilar sem keyptu 10-11 verslunarkeðjuna í gegnum Fjárfar ehf. seldu fasteignir 10-11 í gegnum Litla fasteignafélagið til almenningshlutafélagsins baugs hf. fyrir um 157 milljón krónur meira en þeir greiddu nokkrum mánuðum áður.

Eigendur Litla fasteignafélagsins högnuðust því gríðarlega á kostnað almenningshlutafélagsins Baugs hf.

En hver átti Litla Fasteignafélagið ehf. ?

Hver stjórnaði Litla Fasteignafélaginu ehf. ?

Í tölvupósti sem Tryggvi Jónsson sendir til Kristínar Jóhannesdóttur, þann 28.október, 1999, framkvæmdarstjóra Gaums ehf. segir m.a. varðandi söluna á fasteignum Litla Fasteignafélagsins til Baugs hf.:

"Þegar LF keypti þá var stuðst við bókfært verð. Þegar Stoðir keypti þá var stuðst við leigu í 8.5 ár. Leigufjárhæðir komu frá JÁJ".

Hvernig ber að skilja þennan tölvupóst öðruvísi en svo að Jón Ásgeir hafi stjórnað þessari sölu og félaginu þar með (Stoðir eru í eigu Baugs hf.) ?

Grétar Haraldsson segir um stofnun og tilurð Litla Fasteignafélagsins m.a. í framburði sínum:

"Jón Ásgeir og Tryggvi Jónsson vildu félag um rekstur fasteigna Vöruveltunnar (eiganda 10-11 keðjunnar) og af því tilefni fá hann til að vera í fyrirsvari fyrir félagið og um leið koma fram líkt og og þeir hefðu enga aðkomu að félaginu".

"Grétar segir að ástæða þessa hafi verið að þeir Tryggvi Jónsson og Jón Ásgeir hafi ekki viljað upplýsa um eignarhald Vöruveltunnar á þessum tíma og að sama skapi ekki þessa fyrirhugaðs félags".

Framburður Grétars Haraldssonar

Unnusta Grétar Haraldssonar, Sólveig Theodórsdóttir segir í framburði sínum m.a.:

"Sólveig segir að hún vilji taka fram að hennar upplifun að stofnun Litla fasteignafélagsins og því sem á eftir kom, hafi verið sú að ruddalega hafi verið komið fram við Grétar af þeim mönnum sem stóðu þarna að baki, þá aðallega Tryggva Jónssyni".

Framburður Sólveigar Theodórsdóttur

Sjálfur segist Tryggvi ekki muna nákvæmlega eftir stofnum Litla fasteignafélagsins og man ekki heldur hver bað hann að vera stjórnarformaður félagsins.

Orðrétt segir Tryggvi Jónsson, aðstoðarforstjóri Baugs og nánasti samstarfsmaður Jóns Ásgeirs í framburði sínum:

"Tryggvi kveðst ekki geta gert grein fyrir stofnun þessa félags. Hann kveðst þó ekki útiloka það að hafa átt einhverja aðkomu að stofnun þess, þó hann minnist þess ekki nú að svo hafi verið".

Fram kemur í gögnum frá hlutafélagaskrá að Tryggvi Jónsson hafi verið stjórnarformaður Litla Fasteignafélagsins ehf. og aðspurður hver hafi beðið hann um að skrá sig sem stjórnarformann félagsins svarar Tryggvi orðrétt svo hjá lögreglu:

"Tryggvi Jónsson kveðst ekki muna mjög nákvæmlega eftir aðdragana þess enda langt um liðið. Hann kveðst því ekki muna það nú hver hafi leitað til hans með það að hann tæki að sér sæti stjórnarformanns Litla fasteignafélagsins".

Jafnframt segir Tryggvi að hann hafi talið Grétar Haraldsson vera að "fronta" Litla fasteignafélagið fyrir Eirík Sigurðsson, fyrrum eiganda 10-11 og hafnar algerlega framburði Grétars þess efnis að Tryggvi hafi beðið hann um að "fronta" félagið fyrir Jón Ásgeir.

Aðalsteinn Hákonarsson, endurskoðandi segir m.a. í framburði sínum um Litla Fasteignafélagið ehf:

"Aðalsteinn segir að stofnun þessa félags hafi borið að með sams konar hætti og stofnun Fjárfars ehf. þ.e. að Tryggvi Jónsson hafi leitað til hans og beðið hann að stofna félagið og annast endurskoðun þess".

Tryggvi segir í sínum framburði hinsvegar varðandi fullyrðingar Aðalsteins:

"Tryggvi segir að hann minnist þess ekki sérstaklega að hafa rætt við Aðalstein varðandi stofnun Litla fasteignafélagsins ehf. Hinsvegar sé hugsanlegt að þetta félag hafi verið stofnað um svipað leiti og Fjárfar ehf. og Tryggvi þá hugsanlega spurður hvort hann gæti haft milligöngu um að fá Aðalstein Hákonarson til að stofna félagið og annast endurskoðun þess. Aðspurður kveðst Tryggvi ekki getað svarað því hver hafi leitað til hans um þessa milligöngu. Hann muni það ekki".

Tryggva er einnig kynntur framburður Runólfs Þórs Runólfssonar sem var ráðinn sem framkvæmdarstjóri Litla Fasteignafélagsins en Runólfur segir m.a. orðrétt í framburði sínum eftirfarandi varðandi ráðningu hans sem framkvæmdarstjóra Litla Fasteignafélagsins ehf:

"Runólfur segir að upphaf þess máls megi rekja til þess að Tryggvi Jónsson hafi komið að máli við hann og spurt hann hvort hann vildi taka að sér starf er lotið hafi að eftirliti og viðhaldi á fasteignum í eigu Litla fasteignafélagsins ehf".

Tryggvi gerir hinsvegar engar athugasemdir við framburð Runólfs.

Framburður Tryggva Jónssonar

Í stuttu máli:

Tryggvi Jónsson man ekki aðkomu sína að stofnun Litla fasteignafélagsins ehf.

Tryggvi Jónsson segir eiganda Litla Fasteignafélagins vera Grétar Haraldsson sem segir hinsvegar í sínum framburði að Tryggvi og Jón Ásgeir hafi beðið hann um að "fronta félagið" sbr.framburður Grétars hér að ofan.

Tryggvi Jónsson er stjórnarformaður Litla Fasteignafélagsins en man ekki hver bað hann um að sinna því starfi.

Tryggvi Jónsson sá um að ráða framkvæmdarstjóra Litla Fasteignafélagsins ehf.

Þeir aðilar sem segja að Tryggvi Jónsson/Jón Ásgeir hafi beðið þá um að "fronta" félagið þar sem þeir vildu ekki að raunverulegt eignarhald á félaginu spyrðist út eru að segja ósatt.

Tryggvi Jónsson man ekki hver bað hann að hafa samband við Aðalstein Hákonarsson endurskoðanda varðandi endurskoðun Litla Fasteignafélagsins.

Tryggvi Jónsson man ekki eftir að hafa talað við Aðalstein endurskoðanda þrátt fyrir framburð Aðalsteins þess efnis að Tryggvi hafi beðið hann um að stofna félagið pappírslega séð og sjá um endurskoðun þess.


Til frekari fróðleiks skal svo bent á þá staðreynd að 31.maí sendir KPMG endurskoðun ehf. tilkynningu til hlutafélagaskrár um samruna Gaums ehf. og Litla Fasteignafélagsins en Gaumur er eins og áður hefur komið fram í 100% eigu Jóns Ásgeirs og fjölskyldu hans en þetta kom einnig fram í málinu.

Hver skyldi hafa tekið þá ákvörðun að sameina Gaum ehf. og Litla Fasteignafélagið ?

Hver skyldi nú hafa verið raunverulegur eigandi og stjórnandi Litla Fasteignafélagsins ehf. ?


Jón Ásgeir segir í framburði sínum varðandi hagnað einkahlutafélags síns Gaums ehf. varðandi þessi viðskipti:

"Jón Ásgeir segir engan vafa leika á að Gaumur ehf. hafi hagnast á þessum viðskiptum, enda komi það fram í reikningum félagsins. Jón Ásgeir segir að alveg fráleitt sé að halda því fram að eitthvað refsivert sé við það".


M.ö.o., fjármunir almenningshlutafélagsins Baugs svo hundruðum milljóna skiptir voru notaðir til að kaupa verslunarkeðjuna 10-11 í gegnum Fjárfar ehf. og fasteignir verslunarkeðjunnar settar í sér félag sem heitir Litla Fasteignafélagið ehf.

Hvorki stjórnarmenn Baugs, endurskoðendur, fjármálastjórar eða aðrir starfsmenn Baugs vissu af þessum kaupum forstjórans á 10-11 keðjunni, og hvað þá að fjármunir Baugs hf. hafi verið notaðir til þess.

Fasteignir 10-11 eru svo seldar til almenningshlutafélagsins Baugs hf. og Gaumur ehf. sem er einkahlutfélag forstjóra Baugs hf., Jóns Ásgeirs, hagnast um hundruð milljóna.

Þetta er s.s. fullkomnlega eðlilegt og refsilaust skv.dómstólum þar sem þessari ákæru var vísað frá þar sem dómstólar töldu að þarna væri verið að lýsa viðskiptum en ekki lögbroti.

Það liggur því í augum uppi að forstjórar þeirra almenningshlutafélaga sem nú eru skráð í kauphöll Íslands hljóta að taka upp svipuð vinnubrögð.


Er eftirfarandi dæmi ekki fullkomnlega löglegt miðað við niðurstöðu dómstóla?

Forstjóri Kaupþingsbanka lánar félagi í hans eigu, félaginu "X" nokkur hundruð milljónir króna, án þess að fá heimild stjórnar KB Banka og hann lætur ekki endurskoðendur eða fjármálastjóra fyrirtækisins vita. Engar tryggingar eru settar fyrir láninu, litlir sem engir vextir greiddir og engir afborgunarskilmálar undirritaðir.

Hann kaupir svo lítinn sparisjóð úti á landi með þessum peningum og endurselur svo sparisjóðinn til almenningshlutafélagsins KB Banka með nokkur hundruð milljóna álagningu og allur hagnaðurinn rennur til einkahlutafélagsis "X" sem er í 100% eigu forstjóra Kaupþingsbanka.

Er þetta ekki fullkomnlega löglegt sbr. niðurstöðu dómstóla og orð Jóns Ásgeirs að hann hafi hagnast á sínum viðskiptum með fasteignir 10-11 og "...fráleitt að halda því fram að eitthvað athugavert sé við það" ?

Sama gildir um forstjóra 365 miðla sem einnig er skráð í kauphöllina.

Getur hann ekki lánað félagi í hans eigu nokkur hundruð milljón krónur án vitundar stjórnar 365 miðla, án vitundar endurskoðenda eða fjármálastjóra, án trygginga eða vaxta, og keypt t.d. útvarpsstöðvar eða sjónvarpsefni fyrir miðla 365 og endurselt með nokkur hundruð milljón króna álagningu til 365 ?

Og líkt og í dæmunum hér að ofan, rennur allur hagnaðurinn til fyrirtækis í einkaeigu forstjóra 365 miðla.

Er þetta ekki fullkomnlega löglegt miðað við niðurstöðu dómstóla hingað til ?

Ef ekki, bið ég aðila að skrifa í gestabókina og útskýra mál sitt.


Mér þætti vænt um að heyra þitt álit eftir lesturinn og hvet þig til að skrifa í gestabókina.